Boeh Teumeukoh Tabloe Ngon Meuh , Boh Aneuh Tabloe Ngon Padee

Alem nahu mantek hikam

Arulz bayan ngon fukaha

Jeut tafeuse kalam tuhan

Hadih sajan meuna teuka

Awai boh bayeuk ludoe boh birah

Pane lom leunmah seneulhop kana

Meunyoe han ek le tatimbon tamah

Pane lom leumah guna meuguna

ilustrasi

Bak ie lintong bek tatheun ampeh 

Bak ie tireh bek tatheun bubei

Bek tameurakan ngon si paleh

Hareuta abeh geutanyoe male

Bak jiduek teulimiek leumot

Muka tebai teusenyom senyom

Wate jijak teubungkok-bungkok

Hate kurok ji publo ngon.

Boeh teumeukoh tabloe ngon meuh

Boh aneuh tabloe ngon padee

Tajak beutroh takalon beudeuh

Bek rugoe meuh saket hate

Bukon sayang cicem pala

Puteh dada mirah gaki

Menyo gata jak  ho lon maba

Peu hawa gata jeut lon bri

Cangkuceubet keumilue keumilet

Bak kaye raya

Tampok meusue

Lheuh bu nyoe pet.